У Лаўры, якая знаходзіцца на каранціне, заразіліся каранавірусам каля 150-200 чалавек, у тым ліку настаяцель. Памерлі трое. Пра гэта піша rbc.ru.
У Кіева-Пячэрскай лаўры, якая знаходзіцца ў падпарадкаванні Украінскай Праваслаўнай Царквы Маскоўскага патрыярхату (УПЦ МП), заразіліся каранавірусам усе святары. Таксама захварэлі манахі, выкладчыкі і студэнты Кіеўскай духоўнай акадэміі — яна знаходзіцца на тэрыторыі Лаўры, — усяго каля 150—200 чалавек, распавёў РБК кіраўнік інфармацыйна-асветніцкага ўпраўлення УПЦ МП мітрапаліт Клімент.
Па словах мітрапаліта Клімента, цяпер ужо большасць клірыкаў ідзе на папраўку. Памерлі ад каранавіруса трое чалавек, дадаў ён.
У Кіева-Пячэрскай лаўры ўжо тры тыдні дзейнічае каранцін — яго ўвялі 5 красавіка пасля выяўлення першых хворых. 12 красавіка ў Аляксандраўскую бальніцу Кіева — менавіта туды прывозяць большую частку пацыентаў, хворых на каранавірус, — быў шпіталізаваны настаяцель лаўры мітрапаліт Павел. Цяпер яго ўжо выпісалі з лякарні, ён здаровы, сказаў РБК мітрапаліт Клімент.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)