Ураджэнку чачэнскага горада Аргун Луізу Дудуркаеву, якая атрымала дакументы бежанца і шэнгенскую візу ад Нарвегіі, затрымалі ў аэрапорце Мінска пры спробе вылецець у Хельсінкі, паведамляе «Новая газета».
Дзяўчыну затрымалі 4 верасня супрацоўнікі міліцыі, а таксама людзі ў цывільным, што не прадставіліся. Яны адмовіліся размаўляць з юрыстам, які суправаджаў Дудуркаеву, нягледзячы на тое, што ў яго была даверанасць на прадстаўленне яе інтарэсаў у дзяржорганах.
Па інфармацыі выдання, з дзяўчынай правялі «гадзінную гутарку пад ціскам», пасля чаго перадалі мужчыну, які прадставіўся адвакату яе бацькам. Ён павёз яе ў невядомым напрамку, праязное пасведчанне, якое Дудуркаевай выдала Нарвегія, засталося ў дзяўчыны.
0
0
0
0
0
0
